“Энг фаол ёш мутахассиси” курик танлови

 2018 йил 2 июнь куни “Андижон вилояти Касаба уюшмалари ташкилотлари бирлашмаси” биносида йилнинг “Энг фаол ёш мутахассиси” кўрик танлови бўлиб ўтди. 

 

Ушбу кўрик танловда корхонамиз ходимлари Ж.Нуриддинов(Ёшлар масалалари бўйича бошқарув раиси ўринбосари)  йилнинг “Энг фаол ёш Машинасоз” йўналиши бўйича фахрли 2-уринга сазовор бўлди.

  А.Мадаминов (Комунал ва техник хизмат бўлимида электроншик) эса йилнинг “Энг фаол ёш Электротехник” йўналиши бўйича фахрли 3-ўринни эгаллади. 

 

---

---

Коррупция тараққиёт кушандаси

        Ўқув семинарни жамият бошқаруви раиси Д.Мамажонов очиб, коррупция- тараққиёт йўлига жиддий тўсиқ бўлиб, жамият ривожи, соҳалар юксалишига бевосита таҳдид туғдирадиган асосий иллат эканлиги, мамлакатимизда бу дардга қарши кураш чораларини кучайтириш, уни таг-томири билан йўқотиш, бу борадаги ҳуқуқий асосларни янада мустаҳкамлашга жиддий эътибор қаратилиб келаётганлигига эътибор қаратди.

         Бошқаруви раиси ўз сўзида “Коррупцияга қарши кураш тўғрисида”ги қонун Президентимиз Шавкат Мирзиёевнинг ташаббуси билан 2016 йил
24 ноябрда Ўзбекистон Республикаси Олий Мажлиси Қонунчилик Палатасига киритилганлигива Сенат томонидан маъқулланганлиги ҳамда 2017 йил
3 январь куни тасдиқланиб, 4 январдан кучга кирганлиги ҳақида айтиб ўтди.  

         Шунингдек, семинарда Андижон вилояти ИИБ жамоат хавфсизлигини таъминлаш бўлими нозири, катта лейтенант М.Умаров қатнашиб,”Коррупцияга қарши курашиш тўғрисида”ги Қонуни мазмун-моҳияти ва “Коррупция тараққиёт кушандаси” мавзусида ҳамда ёшлар томонидан содир этилаётган майда жиноятлар ҳамда терроризм-тинчлик ва тараққиёт душмани борасида тушунчалар берди.

         Ўқув семинар давомида, корхона маъмурияти директори И.Юлдашев, коррупцияга қарши курашиш соҳасида ташкилот ва фуқароларнинг иштироки ҳақида, бошланғич ёшлар ташкилоти раиси Ж.Нуриддинов, коррупция ёшлар келажагига жиддий таъсир кўрсатиши борасида ва ҳуқуқшунос Э.Восилжонов, коррупцияга қарши курашиш соҳасида ҳуқуқий онг ва ҳуқуқий маданиятни юксалтиришмавзусида сўз юритдилар.

         Ўқув семинар мулоқот тарзида ўтганлиги сабабли, сўзга чиққан фаоллар томониданушбу қонунни қабул қилинишиаҳолининг давлат ҳокимияти ва бошқаруви органларига бўлган ишончини мустаҳкамлашга қаратилганлиги айтиб ўтилди.

         Семинар якуни билан масъулларга қуйидаги вазифалар юклатилди.

1. Маъмурият директори И.Юлдашев, чоракда камида бир маротаба “Коррупцияга қарши курашиш тўғрисида”ги Қонуни юзасидан кенгайтирилган семинар ўтказиб борилишини таъминласин.
2. Бошланғич ёшлар ташкилоти раиси Ж.Нуриддиновга, ёшлар билан учрашувларда коррупцияга қарши курашиш соҳасидаги давлат сиёсатининг асосий йўналишларикаби масалалар ифодасини топган мавзуларда мулоқот ўтказиб бориш вазифаси юклатилсин.
3. Бош юрисконсульт Ш.Икромов, ташкил этиладиган семинар ва учрашувларда коррупцияга қарши курашиш соҳасида ҳуқуқий онг ва ҳуқуқий маданиятни юксалтиришмавзулари кенг ёритилиши борасида тушунчалар бериб борсин ва зарурий ҳолларда ишчи-ходимларга амалий ёрдам кўрсатсин.
4. Тадбирларнинг ўз вақтида амалга оширилишини таъминлаш вазифаси маъмурият директори И.Юлдашевга юклатилсин.